SAYANSI NA AFYA

Injili ya Sayansi inatumia mfumo wa tiba kliniki, au "conventional medicine", kama namna pekee ya kusaidia wagonjwa walio katika hali tata "acute problems".

Na hili inalifanikisha kupitia hamasa toka kwa Madaktari Wajumbe ambao ni watumishi katika hospitali za Umma "public hospitals".

Pichani ni Daktari "MD" Daniel Kateshi kulia, na Clinical Officer Paalay Kasaine kushoto.

Pichani ni Daktari "MD" Sylvester Shinyanga, ni mjumbe na Mtaalamu mwenye upendo mkubwa sana wa kusaidia jamii katika Injili ya Sayansi.

Injili ya Sayansi inaamini katika Maarifa mapana ya Sayansi za matibabu kupitia mifumo ya afya iliyopo, lakini inaamini mifumo iliyopo haina maono ya kutengeneza jamii ya watu watakaokuwa na uwezo wa kujitegemea.

Na kwa kulitambua hili, inatumia taaluma ya Wataalamu waliopo kutengeneza msingi wa Maarifa ya Afya ya kujitegemea.

Katika Injili ya Sayansi kuna Wataalamu mbalimbali wa afya za jamii, Madaktari, walimu, Wana taaluma wa huduma za Afya, n.k.

Mfano mzuri ni namna Kinga dhidi ya vichochea vya Ugonjwa wa Kisukari imeonekana kuwezesha mafanikio makubwa sana katika kuwasaidia wagonjwa kuliko tiba.

Injili ya Sayansi imekuwa mstari wa mbele katika kuhamasisha mfumo Kinga kupitia hamasa mbalimbali.

Mfano; Mfumo Bora wa utendaji kazi na Mazoezi.

Injili ya Sayansi inahamasisha matumizi ya viungo kwa kadri iwezekanavyo, ukaribu na asili kadri iwezekanavyo, na inahamasisha kiasi katika kila lifanywalo.

Pichani ni Wajumbe wa Injili ya Sayansi katika mazingira ya asili na Kilimo, Arusha vijijini.

Injili ya Sayansi inatoa masomo mbalimbali kupitia namna za kufanya mazoezi hasa zaidi kupitia kazi ambazo watu wamekuwa wakizifanya.

Injili ya Sayansi haina falsafa kamili ya ulaji, na inakinzana na falsafa yoyote ile ya ulaji ambayo haina misingi ya ukweli, haki, historia, na Sayansi.

Injili ya Sayansi inashirikiana na wanahamasa wote wa falsafa ya ulaji wanaodidimiza matumizi ya bidhaa za kisasa "processed foods", matumizi yaliyokithiri ya sukari na mafuta ya mbegu.

Ulaji usio na staha wala kujali haki za wanyama, madawa ya mimea, na hatari za mabadiliko ya kijenetikia pia umetajwa kwenye sehemu hii.

Dr Brighton Shoo ameandika kitabu kinachochambua kwa kina Sayansi, historia, na ukweli kuhusu sera nyuma za ulaji na uhalisia wake.

Injili ya Sayansi haipuuzi tiba asilia ambazo zimekuwa msaada wa karne nyingi sana kwa Waafrika.

Inachofanya ni kutanua kwa mapana zaidi uelewa nyuma ya tiba hizi.

Imani yetu kubwa ni kuwa, tunaweza kusaidia kupunguza utegemezi wa madawa ya hospitalini ambayo yamezidi kuongeza hatari ya usugu wa vimelea kwa kutumia dawa asilia.

Tunaamini kwa matumizi ya dawa asilia kadhaa ambazo nyingi kati yake tayari huwa ni vyakula, au virutubisho kwa mwili, tunaweza kupunguza utegemezi wa madawa ya hospitalini.

Injili ya Sayansi inashirikiana na Wataalamu wa tiba asilia wenye msingi mpana wa Sayansi za Afya, na Wataalamu wasio na msingi mpana.

Kushoto ni Daktari "DVM" Magesa Matiku, kulia ni Mtaalamu wa Maabara na mzamili wa afya ya jamii, Gamba Manyama.

Malengo yetu ya awali katika mfumo wa kujitegemea wa afya ni kufikia watu kupitia mitandao ya kijamii kwa elimu kuhusiana na afya.

Mpaka sasa Wataalamu kadhaa wa injili ya Sayansi akiwemo Dr Shoo wamekuwa mstari wa mbele katika hili.

Hasa kupitia vipindi vya afya ambavyo amekuwa akitoa katika "Adventist World Radio".

Hatua ya pili ya Injili ya Sayansi katika afya ni kutengeneza kituo maalumu ambacho kitahusisha kutoa mwongozo wa huduma za afya ya kujitegemea.

Kituo hiki hakitakuwa hospitali wala kliniki, kwa kuwa hakuna umuhimu wa kutoa huduma zinazoweza patikana vizuri zaidi katika taasisi kubwa za huduma za afya za kitaifa na binafsi.

Kituo hiki kitatoa msaada wa huduma za kusapoti wagonjwa kama; supplements, vifaa na sample za vyakula vya kuchochea kinga, protocol za kujikinga na magonjwa mbalimbali, miongozo ya vyakula, miongozo ya mazoezi, na miongozo ya huduma baada ya upasuaji na matibabu ya hospitali.

Kituo hiki kitakuwa ni aina ya "Regenerative, preventive, alternative, and anti-aging center" na kitahusisha mwongozo wa Wataalamu wa afya tokea taasisi mbalimbali za afya.

Hatua ya tatu ya malengo ya Injili ya Sayansi katika afya ya kujitegemea, itahusisha mwongozo wa maisha ya vijijini, maisha ya kiasili, na kujikita katika mfumo wa kilimo cha asili.

Kuelekea Malengo Yetu: Injili ya Sayansi inaelekea malengo yake kupitia utayari wa Wajumbe wake kujitoa na kujitolea kusaidia jamii zao kwa huduma za afya.

Huduma hizi zimekuwa zikitolewa tangia mwaka 2024, kupitia masomo ya afya na miongozo yote ya afya bure kabisa kupitia blog za mitandaoni na mitandao ya kijamii.

Wajumbe wengi wana taaluma za afya ambazo wamekuwa wakizitumia kuandika nakala, vitabu, na kutoa semina.

Injili ya Sayansi ina mkakati wa kujenga kituo cha afya ya kujitegemea kupitia michango ya Wajumbe, na mpaka sasa tayari wameweza kufanikisha kupata kiwanja kwa Wajumbe waliojitolea eneo.

Mkakati wa kujenga utaanza rasmi Wajumbe watakapoweza kufanikisha uwezo kamili wa kuanza kujenga.

Injili ya Sayansi inahamasisha na kuomba wote wenye uwezo wa kusaidia malengo haya kusapoti kupitia michango yao hiari, au hata msaada wowote ule katika kuwezesha kazi hii.